“Кыргызкөмүр” мамлекеттик ишканасынын калкты арзан көмүр менен камсыздоо саясаты уланууда.

Негизинен кышкы жылытуу сезонунда Бишкек шаарынын калкы 128 миң 400 тонна көмүр керектейт. Анын ичинен 45 миң 627 тоннасы Бишкекке жеткирилген.  Учурда Бишкек шаарында 13 көмүр кампасы, Чүй областында 14 көмүр кампасы иштеп жатат. Бүгүнкү күнгө карата Чүй областына 1693 тонна көмүр жеткирилсе, Бишкек шаарынын калкына 1815 тонна көмүр ташылган. Жалпысынан көмүр кампаларында 3500 тонна көмүр даяр турат. Кышкы жылытуу сезону башталгандан бери борборубузда суткасына 2000 тоннага чейин көмүр сатылууда.  Кышкы сезон башталгандан бери борборубуздун тургундары 43 миң 811 тонна көмүр менен камсыз болушту. “Кыргызкомур” Мамлекеттик Ишканасы уюштурган көмүр кампалары аркылуу калкка арзан көмүр жеткирилип, жалпысынан 34 % камсыз болду.